Oppgave
Lag skisser til ei magasinframside og eit animert banner
Skisser opp framsida til eit magasin og eit animert banner som sel same magasin, og få tilbakemelding frå medelevar.
Bilete: Per Henning Olsen / CC BY-SA 4.0
- Vel eit magasin du vil lage framsida til.
- Last ned og skriv ut malen: Mal til storyboard og magasinskisser, eller teikn opp ruter på eit A4-ark.
- Skisser opp ni ulike løysingar for ei framside. Bruk kort tid. Ta gjerne tida med stoppeklokke, og gjenta prosessen ved behov. Ta gjerne utgangspunkt i ein bestemt idé eller eit konsept for Magasinet.
- Vel ut ei av skissene som du teiknar opp litt større på eit A4-ark. Bruk gjerne linjal. Skriv grunngjeving for storleik og plassering av element, og for sentrale fargar du vel.
- Teikn opp ruter på eit ståande A4-ark for å lage storyboard til eit animert banner. Bruk det du har lært om storyboard og om skisser av magasinframside, og skisser opp eit animert banner som skal selje det same magasinet du allereie har jobba med.
Filer
Bilete: Per Henning Olsen / CC BY-SA 4.0
- Jobb to og to eller i større grupper.
- Forklar korleis du oppfattar den andre sine skisser.
- Gi konstruktive tilbakemeldingar på ideane til kvarandre og skriv ned nokre betringspunkt for ideane og for skissene.
- Bli einig med lærar om levering av arbeidet.