Oppgåve
Eit retorisk blikk på Leonardo DiCaprio
Gjer ein retorisk analyse av skodespelar Leonardo DiCaprio sin tale om klimaendringar.
Leonardo DiCaprio har engasjert seg i kampen mot klimaendringar. Bilete: Eduardo Munos / CC BY-NC 4.0
"Som FNs fredsambassadør har eg reist jorda rundt dei to siste åra. Alt eg har sett og lært meg, har verkeleg skremt vitet av meg", seier skodespelar Leonardo DiCaprio i ein tale i dokumentarfilmen Before the Flood (2016).
No skal du studere korleis han bruker retoriske verkemiddel for å overtyde tilhøyrarane om at vi må ta grep for å redde jorda vår.
Sjå Leonardo DiCaprio sin tale under eit toppmøte om klima i New York.
- Korleis byggjer han opp etos?
- Kva argument bruker han for å styrkje logos?
- Korleis bidrar bileta til retorikken?
- Korleis er bruken av patos?
- Korleis bidrar musikken til retorikken?
Sjå litt av ein annan tale som Leonardo DiCaprio heldt om klimaendringar i FN.
Korleis verkar fråværet av bilete og musikk inn på retorikken?Blir du meir eller mindre overtydd?
- Korleis kan vi bruke verkemiddel i eit medieuttrykk retorisk for å forsterke ein bodskap? Kan du kome på eksempel der verkemidla i eit medieuttrykk har skapt overtyding?