Fagartikkel
Varekjøp fører til avfall og returtransportar
Her lærer du at avfall blir kjeldesortert i fraksjonar for deretter å bli transportert til attvinningsfabrikkar. Fabrikkane lagar om fraksjonane til nye råvarer.
Figuren viser at alt avfall frå verksemder og sluttbrukarar skal sorterast og vinnast att og gå inn i varekrinsløpet på nytt. Bilete: Gunnar Ottesen / CC BY-NC-SA 4.0
Dei fleste sluttbrukarar kjøper daglegvarer i nærbutikkar der dei bur. Faghandelsvarer kjøper vi i byar eller tettstader eller på nettet. Over tid skaper dette til saman store avfallsmengder som samfunnet må ta hand om på ein forsvarleg måte.
Kommunane har ansvaret for å samle inn alt hushaldsavfallet. Næringslivet må sjølv syte for å levere avfallet sitt til godkjende innsamlarar.
Avfallsinnsamlarane sorterer avfallet i ulike fraksjonar. Kvar fraksjon går deretter til ein attvinningsfabrikk.
På denne lenkja kan du sjå korleis metallemballasje blir vunnen att, og korleis det attvunne råstoffet går inn i produksjonen av nye produkt.
Komprimerte aluminiumsboksar på eit gjenvinningsanlegg. Bilete: Bobby Yip / CC BY-NC-SA 4.0