Om betafaget

Emne som dekker heile læreplanen

Faget på NDLA skal dekke alle kompetansemåla og heile læreplanen for programfaget biologi 2. Vi har valt å dele faget inn i desse emna:

• Biologiske arbeidsmåtar

• Økosystem

• Populasjonar

• Energiomsetning i cellene

• Genetikk

• Arv

• Genteknologi

Oppbygging av emna

Emna er bygde opp med ein tydeleg progresjon for å gjere innhaldet enkelt å bruke i undervisninga. Rekkefølga på sidene tek elevane frå det grunnleggande til det meir avanserte. Vi presenterer fagstoffet gjennom verbaltekstar, bilete, videoar, simuleringar og animasjonar.

Introduksjon som vekker nysgjerrigheit

I introduksjonen til emnet finn de aktivitetar som hentar fram forkunnskapane til elevane og skaper interesse for det de skal i gang med.

Fagartiklar for djupnelæring

Kvart emne består av fleire fagartiklar som går i djupna på dei ulike temaa i emnet. Artiklane er rikt illustrerte for å forklare biologiske prosessar på ein tydeleg måte.

Oppgåver for meistring og refleksjon

Vi tilbyr eit rikt utval av oppgåver på ulike nivå for å sikre både mengdetrening og fordjuping. Elevane får høve til å øve på alt frå å hugse og forstå til å forklare, analysere og bruke kunnskapen i nye samanhengar.

• Test deg sjølv: interaktive oppgåver som gir elevane ein rask sjekk av eiga forståing.

• Varierte oppgåver: oppgåver til temaa der elevane får jobba grundig med stoffet gjennom stor variasjon i oppgåvetypar og nivå. Her finn de alt frå caseoppgåver og filmar til teikneoppgåver, praktiske aktivitetar og diskusjonsoppgåver.

• Fordjupingsoppgåver: komplekse oppgåver som utfordrar elevane til å sjå samanhengar og bruke kunnskap frå dei ulike temaa i eit emne.

• Eksamenstrening: relevante oppgåver frå tidlegare eksamenssett som gir elevane erfaring med eksamensforma gjennom heile skuleåret.

Vurdering og grunngiving framfor fasit

Vi har bevisst valt å ikkje ha med løysingar på alle oppgåvene. Sjølv om det kan verke uvant, er målet å flytte fokuset frå fasiten til elevane si eiga tenking. Vi ønsker at elevane skal vurdere kvaliteten på eigne svar og bruke det dei har lært til å grunngi svara sine. På denne måten stimulerer vi elevane til å diskutere meir med kvarandre og sikre at dei oppfattar faget som meir enn berre eit puggefag.

Fleksibelt innhald med vekt på det visuelle

Biologi 2 er eit praktisk fag der både forsøk og feltarbeid står sentralt. Vi tilbyr derfor eit rikt utval av slike arbeidsmåtar. I kvart emne finn de ressursar de kan bruke uavhengig av rekkefølga i læringsløpet. Her kan de sjølve velje aktivitetar og innhald:

• forsøk og feltarbeid

• klasseromsaktivitetar

• oppgåver for vidare arbeid

Det visuelle står også sentralt i faget. Vi legg stor vekt på gode figurar, inspirerande bilete og animasjonar, og vi bruker filmar for å gi både fagleg påfyll og inspirasjon.

Vegen vidare

Læringsressursane våre gir både elevar og lærarar eit godt utgangspunkt for å jobbe utforskande med Biologi 2. Vi legg ut nytt innhald fortløpande, og vi oppfordrar til å følge med og ta i bruk ressursane i undervisninga. Vi set stor pris på tilbakemeldingar og tips som kan hjelpe oss med å gjere innhaldet endå betre!