Er konspirasjonsteoriar farlege?

I den tverrfaglege læringsstien Er konspirasjonsteoriar farlege? skal du setje deg inn i kva som ligg i konspirasjonsteoriar, og korleis du kan kjenne igjen slike teoriar.

Du skal lære om korleis konspirasjonsteoriar har blitt brukte til å demonisere andre, spreie frykt og skape hat. Ikkje minst skal du lære korleis konspirasjonsteoriar kan vere ein trussel mot demokratiet.

Konspirasjonsteoriar er eit viktig og sentralt tema som inngår i læreplanane i ulike fag. Temaet eignar seg derfor godt som utgangspunkt for eit tverrfagleg prosjekt, og det er mange moglegheiter for å nærme seg temaet frå ulike vinklar, i ulike fag.

Det finst fire opplegg på NDLA som tek for seg konspirasjonsteoriar frå ulike innfallsvinklar. Desse kan kombinerast og til dømes bli brukte til gruppearbeid i eit tverrfagleg prosjekt.

• Kva er konspirasjonsteoriar?

• Oppskrift på ein konspirasjonsteori

• Er konspirasjonsteoriar farlege?

• Konspirasjonsteoriar og falske nyheiter

Relevante fag: samfunnskunnskap, norsk, engelsk, historie, religion og etikk, mediesamfunnet 1, mediesamfunnet 2, politikk og menneskerettar, sosialkunnskap, sosiologi og sosialantropologi