Graskar

Den norske sesongen strekker seg frå august til november. På grunn av det tjukke skalet kan store graskar lagrast i månadsvis. Graskar som er delte, har kortare haldbarheit og bør omsetjast raskt.

Graskar blir brukt som kokt eller steikt grønsak i gryterettar, supper og stuingar. Sylta graskar er nydeleg til kjøtt- og fiskerettar. Graskaret blir delt og skrelt, og det svampaktige vevet og kjernane i midten blir fjerna. Pyntegraskar blir berre brukte til dekorasjon.

Graskar finst i mange ulike former, fargar og storleikar, og det er derfor vanskeleg å gi eksakte kvalitetsnormer. Graskar skal vere reine og heile og utan mugg, støytskadar eller mjuke flekker. Fruktkjøttet skal vere fast, og grønsaka skal kjennast tung i forhold til storleiken. Graskar må handterast varsamt sidan dei lett blir skadde på grunn av den høge vekta.

Graskar inneheld noko karoten, som gir A-vitamin. Graskar er kalorifattig og inneheld noko kostfiber.

Sjå Matvaretabellen frå Mattilsynet for nærare opplysningar om næringsinnhaldet.