Persillerot
Persillerota er ei kvit rot med lysebrune striper som liknar på pastinakk, men er litt mindre. Både rota og graset har sterkare smak enn bladpersille. Smaken på persillerota kan også minne mykje om sellerirot. Om hausten blir persillerota seld i buntar med graset på. Utover vinteren blir rota seld utan gras.
Bruksområde
Persillerota må reinskast før bruk. Kutt av stilken og rotfestet, og skrell med ein potetskrellar. Persillerot kan nyttast i supper og gryter, smørdampa eller steikt som tilbehøyr til kjøtretter. Riven persillerot er godt som råkost, i salat saman med eple og i wok. I supper og gryter kan også graset nyttast.
Prøv deg gjerne på å steikje persillerot i omnen.
Oppskrift på omnsbakte persillerøter (matprat.no).
Kvalitetskrav
Persillerot skal vere rein, sunn, saftspent og fri for skadedyr. Rota skal vere heil, velforma og utan forgreiningar.
Næringsinnhald
Persillerot inneheld A-, B6- og C-vitamin, jern, kostfiber, folat og ein del kalium.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
september–april
Med andre ord:
latin: Petroselinum crispum
engelsk: root parsley
tysk: Wurzelpetersilie
fransk: persil tubéreux
Lagring:
2–4 ºC, gjerne i plastpose eller plastboks