Video

Interaktivt innhald

Bli kjend med Repparfjorden

Geografifaget handlar om å finne svar på spørsmålet "Kvifor er det slik akkurat her?". No skal du få bli betre kjend med Repparfjorden slik at du kan bruke området som utgangspunkt for å lære om faglege tema og seie noko om kvifor det er slik ved Repparfjorden.

Veg der to bilar køyrer. Skilt med stadnamnet Repparfjorden / Rienpovuotna i forgrunnen. Fjell med snø i bakgrunnen. Foto.

Aktiver førehandskunnskapen

Tenk gjennom eller diskuter kort i mindre grupper eller felles i klassen før de ser filmen: Kva veit de om Repparfjorden frå før?

Film: Bli med til Repparfjorden

Sjå filmen under (lengde 7:57) og bli kjend med nærområdet rundt Repparfjorden.

Video: Jarle Sten Olsen og Tom Knudsen / CC BY-ND 4.0

Interaktivt kart over Repparfjorden

Trykk på punkta i områda rundt Repparfjorden.

Det interaktive kartet er enklast å bruke om du opnar det i fullskjermvisning.

Spørsmål

Bruk filmen og kartet over til å svare på spørsmåla:

Korleis kan indre krefter ha forma landskapet rundt Repparfjorden gjennom millionar av år?
Kva naturressursar finst i og ved Repparfjorden?
Kvifor er kopar ein viktig mineralressurs for framtida?
Kva er Sápmi, og kva kjenneteiknar det samiske livsgrunnlaget?
Korleis kan utnytting av naturressursar bidra til busetjing i distrikta?
Kvifor har det oppstått interessekonfliktar i samband med ressursutnytting i og rundt Repparfjorden?