Video

Interaktivt innhald

Bli kjend med Loen

Geografifaget handlar om å finne svar på spørsmålet "Kvifor er det slik akkurat her?". No skal du få bli betre kjend med tettstaden Loen i Stryn kommune slik at du kan bruke området som utgangspunkt for å lære om ulike faglege tema og seie noko om kvifor det er slik i Loen.

Fleire ulike motiv frå Loen som viser turistbuss, fjord og fjell, suvenirar med troll på, Hotel Alexandra og Loen skylift. Foto.

Aktiver førehandskunnskapen

Tenk gjennom eller diskuter kort i mindre grupper eller felles i klassen før de ser filmen: Kva veit de om Loen frå før? Er det ein eller liten stad? Korleis er naturen der? Kva trur de dei som bur der, lever av?

Film: Bli med til Loen

Sjå filmen under (lengde 4:22) og få ei omvising i Loen.

Video: Jarle Sten Olsen og Tom Knudsen / CC BY-ND 4.0

Interaktive bilete

Her kan du utforske Loen ved hjelp av 360-bilete. Det vil seie at du kan trykke i bileta og dra deg rundt, og du kan òg trykke på pilene for å utforske andre stader i Loen. 360-bileta fungerer best i fullskjermvisning.

Tips til bruk av 360-bileta

Trykk med musepeikaren i bileta og dra deg rundt for å utforske.
Pilene tek deg til ein ny scene (ein ny stad).
Nokre scenar opnar med ei scenebeskriving første gong du opnar dei. Du finn igjen scenebeskrivinga når du trykker på i-symbolet.
Du kan zoome inn og ut i bileta.

Loen i 360

Kart frå Loen og områda rundt

Under er eit 3D-kart over Loen. Om du klikkar på bokmerket oppe i høgre hjørne, vil du finne nokre stader som er ekstra interessante for oss som er glade i geografi. Klikk deg gjennom og forsøk å ha spørsmålet "Kvifor er det slik akkurat her?" i bakhovudet mens du utforskar bygda og områda rundt.

Tips til bruk av 3D-kartet

Fullskjermvisning er tilgjengeleg nede til høgre.
Pluss- og minussymbola oppe til venstre lar deg zoome inn og ut.
Om du trykker på kompassnåla, blir kartet orientert mot nord.
Symbolet med piler i alle retningar lar deg flytte på kartet ved å halde inne musepeikaren og dra kartet i ulike retningar.
Om du trykker på symbolet med ei pil i sirkel, kan du rotere kartet rundt og opp og ned ved hjelp av musepeikaren.

Oppe til høgre finn du ulike bokmerke. Bokmerka lar deg fly til desse stadene:

Loen sentrum
Jostedalsbreen
Lovatnet
Kjenndalen
ein botn over Kjenndalen
Ramnefjellet
Skåla
Hoven (toppen av skyliften)

3D-kart

Slutt på ikkje-tilgjengeleg innhald.

Lausmassekart

Lausmassar kan seie oss noko om kva ytre krefter som har påverka eit område, og kva naturressursar vi kan finne og utnytte der. Bruk lausmassekartet til å utforske korleis Loen og områda rundt er danna. Trykk på "fullskjerm" i menyen for å opne kartet i fullskjermvisning.

For å få opp teiknforklaringa og informasjon om kva dei ulike fargane betyr, kan du opne menyen, finne kartlaget som heiter "Lømasser -oversikt", og trykke på i-symbolet. Grønt er morene, raudt er skredmateriale, lilla er forvitringsmateriale, og gult/oransje er elveavsetjingar.

Slutt på ikkje-tilgjengeleg innhald.

Spørsmål

Bruk filmen, dei interaktive bileta og karta over til å svare på spørsmåla:

Klarer du å finne Jostedalsbreen på 3D-kartet under? Kva himmelretning er han i frå Loen sentrum – nord, sør, aust eller vest?
Sjå på lausmassekartet. Kva for ei ytre kraft har lagt igjen mest lausmassar i Loen og Lodalen?
Klikk deg rundt i dei interaktive bileta. Beskriv landskapet i Loen med nokre setningar. Er det flatt eller bratt? Er det fjord eller vatn der?
Sjå filmen og finn tre gode grunnar til å ha masseturisme i ei bygd som Loen, og finn tre grunnar til å ikkje ha det.