Musklar, muskelbruk og øvingar

Å forstå korleis musklar fungerer og å bruke denne kunnskapen i treningsplanlegging og styrketrening, er ein viktig del av kroppsøvingsfaget. Her kan du lære namn på musklar, forstå kva oppgåve muskelen har og finne øvingar for å trene akkurat denne muskelen.

Muskelanimasjon

Gå inn på lenka under og trykk på muskelen du vil vite meir om.

Muskelanimasjon (NDLA)

To forslag til fullkroppsøkter med styrketrening

Enkel fullkroppsøkt

For kven: for deg som ikkje har trent så mykje styrke før, eller for deg som ikkje har trent styrke på ei lang stund.

Treningsmetode: maksimal muskelvekst, 6–12 repetisjonar, 2–4 seriar. Kvar serie bør vere så tung at du ikkje klarer fleire repetisjonar.

Mål: bli sterkare og få større muskelmasse.

Muskelgrupper: Øvingane belastar dei store muskelgruppene i heile kroppen.

Ettbeinsknebøy
Sitjande roing
Armhevingar

Gjenta økta 2–3 gonger kvar veke.

Fullkroppsøkt for vidarekomne

For kven: for deg som har trent styrke ei stund, og som har god teknikk i øvingane under.

Treningsmetode: maksimal styrke, 1–5 repetisjonar, 2–5 seriar. Kvar serie skal vere så tung at du ikkje klarer fleire repetisjonar.

Mål: bli sterkare.

Muskelgrupper: Øvingane belastar dei store muskelgruppene i heile kroppen.

Knebøy eller markløft
Sitjande roing
Kroppshevingar (med eller utan strikk)
Armhevingar (alternativt benkpress)

Gjenta økta 2–3 gonger kvar veke.

Relatert innhald

Planlegg helsefremjande trening, vg3

For å finne ut kva for type trening som passar deg, skal du no planleggje, gjennomføre og evaluere di eiga trening.

Korleis trene styrke?

Kva for mål du har med styrketreninga, har mykje å seie for korleis du skal planleggje og gjennomføre treningsøktene.