Video
Oppgåver til filmen om Ramona I.S. Myrseth
Ramona Irene Salo Myrseth er tekstilkunstnar og kles- og kostymedesignar. Ho representerer to kulturar og bruker dette i skapande arbeid. Sjå filmen og reflekter over spørsmåla, før de diskuterer dei i klassen.
Film: Ramona Irene Salo Myrseth – Tekstilkunstner, kles- og motedesigner
I filmen under (lengde 7:16) får vi sjå korleis Myrseth bruker kulturarv som utgangspunkt for nyskaping.
Video: Filmkonsulentene / CC BY-NC-SA 4.0
Del 1
Sjå filmen om Ramona Irene Salo Myrseth, og svar på oppgåvene:
- Korleis beskriv Myrseth at konflikten mellom det norske og samiske har gjort at ho er ein del av to kulturar?
- Korleis finn ho inspirasjon til arbeida sine, og korleis bruker ho det samiske handverket som inspirasjon?
- Kva slags kulturar pregar identiteten din? Korleis kan du bruke dette i eige skapande arbeid?
- Kva utfordringar ser Myrseth at moteindustrien har med tanke på berekraft? Kva gjer ho sjølv for å drive berekraftig?
- Korleis jobbar ho med funksjonalitet og estetikk?
- Til slutt i filmen seier Myrseth at ho er redd for skuldingar om kulturell appropriasjon. Finn ut kva kulturell appropriasjon betyr. Kva synest du om den nyskapande måten Myrseth formidlar samisk kultur på?
Del 2
Drøft svara med sidemannen din, før de diskuterer temaet felles i klassen.