Lag ein animasjon av ei varmepumpe
Ved hjelp av animasjonverktøyet i PowerPoint, kan du lage ein enkel animasjon som viser korleis ei varmepumpe fungerer. Få kjølemediet til å bevege seg rundt i varmepumpa – legg til forklaringar undervegs.
Her er nokre tips:
- Bruk animasjonsverktøyet i PowerPoint. Opne animasjonsruta, for å halde oversikt over alle enkeltanimasjonene du lagar.
- For å spare tid kan du finne eit bilete som viser heile varmepumpekrinsen. Deretter kan du leggje animasjonar oppå denne.
- Bruk faguttrykk, men forklar med eigne ord kva dei tyder.
- Set inn figurar, og finn bilete på nett. Dersom du legg til "png" i søket ditt, får du opp bilete utan bakgrunn. Figurar og bilete som du brukar, kan redigerast i PowerPoint.
- Når du er ferdig, eksporterer du fila som film. Vis og del filmen med andre.
- Du kan òg leggje til kommentarar og lydar, viss du vil det.
I denne filmen ser du korleis du kan komme i gang:
Video: Thomas Bedin / CC BY-ND 4.0