Fiskesuppe

• 1 pakke med fiskekaker (400 g)
• 1 liten boks reinska reker
• 2 gulrøter
• 1 liten purre
• 1 kvast kruspersille
• 1,5 dl fløyte
• 2 terningar fiskebuljong
• 2 ss kveitemjøl
• 1 ss smør
• 1 eggeplomme
• Smak til med salt og pepper

Slik gjer du det:
Kok opp 1 liter fiskebuljong med dei to fiskebuljongterningane.
Vask, reins og skjer gulrøtene i tynne skiver. Vask purren og skjer den i tynne ringar. Skjer fiskekakene i terningar.
Smelt smøret i ein kjele og la gulrøtene og purren frese seg gylne i kjelen i eit par minutt.
Lag ei jamning med mjølet og litt av buljongen. Hell jamninga i kjelen og tilset resten av buljongen. Rør forsiktig.
La suppa koke til grønsakene er nesten møre. Tilset fiskekakene og rekene. Bland eggeplomma med fløyten og ha det i kjelen.
La suppa stå og trekkje i fem minutt. Strø på finhakka kruspersille rett før servering.
P.s. Fiskekakene kan byttast med kokt fisk.