Draama lea tjiehpies-lidteratuvren teekste mij lea dorjehtæmman scenesne tjaaleme. Draama-tjaalege, mij aaj maehtebe manuskriptem gohtjedh, lea filme-dorjemen jallh teatere-dorjehtimmien våarome.
Draamesne ij ajve baakoeh vihkele, men aaj tjoevkesh, tjoeje, musihke, sminke, scene-vaarjoeh jïh scene-guvvie. Maehtebe jiehtedh draama dovne tjaaleldh sjangere jïh njaalmeldh ektie-bïejeme tjaalege.
Joekehtsh draamatihke jïh epihke diktadimmiej gaskem
Soptsesinie soptsestæjja dahkoem geerjehte, jïh maam dïhte soptsestæjja soptseste lea joe heannadamme. Teatere-dorjehtimmesne jallh filmesne dellie vuartasjæjjah dahkoem daelie jïh daesnie vuejnieh jïh dååjrieh. Soptsestæjja maahta almetji aajkoej jïh domtesi bïjre soptsestidh. Men vuartasjæjjah tjuerieh dorjehtimmesne toelhkestidh replihkh, kråahpe-gïelem, vaarjoeh jïh jeatjah væhtah jïh dellie ussjedidh gïeh dah karakterh scenesne jïh man gaavhtan darjoeh guktie darjoeh.
CC BY-NC-SASkrevet av Marion Federl, Tone Elisabeth Grundvig og Helen Blind Brandsfjell.
Sist faglig oppdatert 20.03.2018