Laavenjassh vaajmoegïelen bïjre
Doh jeanatjommesh domtesi jallh nïekedimmiej bïjre soptsestieh ietnien-gïelesne. Mijjieh maehtebe dam vaajmoe-gïeline gåhtjodh. Vuartesjh filmem gusnie golme noere nyjsenæjjah dej vaajmoe-gïeli bïjre soptsestieh.
Vuartesjh aaj filmem gusnie Evelina Olofsson sov vaajmoe-gïelen bïjre soptseste.
1. laavenjasse
Guktie datne sïjhth baakoem vaajmoe-gïele buerkiestidh?
2. laavenjasse
Mij dov vaajmoe-gïele jïh mannasinie?
3. laavenjasse
Daaroedehteme-tïjjen Nöörjesne, dellie idtjin saemieh åadtjoeh saemien-gïelem skuvlesne lïeredh. Guktie saemien lïerehtimmie tïjjen mietie jorkesamme? Guktie saemien lïerehtimmie dillie jïh guktie daelie? Ohtsedh bïevnesh daaroedehtemen bïjre jïh tjaelieh bievnije tjaalegem.
4. laavenjasse
Lohkh Johannen appellem «Åarjelsaemiengïele, mov vaajmoe-gïele». Tjaelieh appellem seamma maallen mietie gïelen bïjre. Mujhtieh appelle edtja 4 1/2 -5 1/2 munudth ryöhkedh.