Oppgave

Laavenjassh: Mov håhkoe

Tjaelijen åssjaldahkh vihkeles mijjese men guktie maehtebe dejtie guarkedh? Jis mijjieh aejkiem goerehtibie, gåessie tjaelije teekstem tjeeli, maehtebe kaanne tjaelijem buerebe guarkedh.

Gåetie skåajjesne. Guvvie

Ella Holm Bull

Åemie Ella Holm Bulle diktegærjam Ov-messie darjomes bæjhkoehti jaepien 2000. Ibie daejrieh gåessie åemie Ella diktide tjeeli, men maehtebe sovmedh dïhte diktide tjeeli dej minngemes jaepiej åvtelen gærja bæjhkoesovvi.

Jis sovmebe åemie Ella Holm Bull diktide tjeeli 1990-låhkosne, dellie tjaelije idtji vielie lij dan noere. Gosse diktem Mov håhkoe lohhkebe dellie ov goh tjaelije arhteminie sov maana-baelien gåatan båetedh. Dïhte dan mojhtesi bïjre tjaala mah vaajmosne.

Numhtie guktie åemie Aanna Jacobsen ikth tjeeli: «Båeries vijsies almetjh hov jiehtieh: Almetjh guhth dovletjem vaajmosne jïh mojhtesisnie guedtieminie, dah gujht rïekteslaakan edtjieh maehtedh dåastodh mij båetiemisnie.»1

Dikten viehkie-dïrregh

Gïele lea tjaelijen dïrregh. Tjaelije maahta gellie ovmessie gïeleviehkie-dïrregh nuhtjedh gosse teeman bïjre tjaala. Lohkh diktem eensilaakan jïh dle kaanne guarkah mij dikten teema, jïh maam tjaelije sæjhta diktine jiehtedh.

1. laavenjasse

Lohkh diktem Mov håhkoe eensilaakan. Mij lea dikten teema?

2. laavenjasse

Maam vïenhth åemie Ella Holm Bull sïjhti diktine jiehtedh?

3. laavenjasse

Mah vihkeles aarvoeh diktesne?

4. laavenjasse

Maahtah maam akt jiehtedh tïjjen bïjre? Guktie lij saemien siebriedahkesne 1990-låhkosne?

Relatert innhold

Aktuelt stoff for