Oppgave
Plakaath tjïelke dïjrine
Laavenjassh tjeakoes jïh ræhpas argumentasjovnen bïjre.
Image: Sissel Jåma / CC BY-NC-SA 4.0
- Man aamhtesen bïjre daate gïrredimmie?
- Mij lea gïrredæjjaj veanhtoe?
- Mah aamhtese-argumenth nuhtjieh juktie sijjen veanhtoem buerkiestidh?
- Faamoe-baakosne «Baajh vaeride årrodh!» akte premisse (akte buajhkoes bagkesimmie), gidtjh akte vuarjasjimmie politihkeri barkoste byjrese-aamhtesisnie. Mij lea «dåapmoe» politihkeri bijjelen?
- Maam såarhts argumentasjovnide gïrredæjjah uvtemes sæjhta nuhtjedh – ræhpas jallh tjeakoes argumentasjovne?
Image: Cornelius Poppe / CC BY-NC-SA 4.0
Goerehth argumentasjovnem.
Guvvesne vuelielisnie argumentasjovnem gaavnh åeniedamme hammosne. Vuartesjh daam lïhkebe:
- Man aamhtesen bïjre daate gïrredimmie?
- Man siebrien åvteste gïrredæjjah båetieh?
- Guktie sïjhth siebrien ussjedammesvoetem klijma-gyhtjelassine vuarjasjidh?
- Mij lea gïrredæjjaj veanhtoe?
- Mah aamhtese-argumenth nuhtjieh juktie sijjen veanhtoem buerkiestidh?
- Faamoe-baakosne «Gåaroes baakoeh eah klijmam åabpedh!» akte premisse (akte buajhkoes bagkesimmie), gidtjh akte vuarjasjimmie politihkeri barkoste byjrese-aamhtesisnie. Mij lea «dåapmoe» politihkeri bijjelen?
- Dïjrem mubpesth jiehtedh lea akte sïejhme vierhkie-vierhtie abpe argumentasjovnesne. Guktie gïrredæjjah daam vierhkie-vierhtiem nuhtjeme?
- Maam såarhts argumentasjovnide gïrredæjjah uvtemes sæjhta nuhtjedh – ræhpas jallh tjeakoes argumentasjovne?
Saemien | Daaroen |
|---|---|
gïrredimmie | demonstrasjon |
gïrredæjja | demonstrant |
klijma-gyhtjelasse | klimaspørsmål |
veanhtoe | standpunkt |
bagkesimmie | påstand |
Related content
Subject material
Ræhpas jïh tjeakoes argumentasjovneLïerh ræhpas jïh tjeakoes argumentasjovnen bïjre.