Daennie teemesne åadtjoeh gïelen bïjre lïeredh. Guktie mijjen gïele bigkeme, jïh guktie maehtebe tjaeledh. Gïele lea vihkeles biehkie mijjen identiteeteste, jïh gosse soptsestibie jïh tjaelebe, mijjieh soptsestibie gie mijjieh libie jïh gustie båetebe.

Daennie teemesne lïerh nomeni, verbi, seerkeme-baakoej, raajese-bigkemen jïh jarkoestimmien bïjre.

Gaajhkh baakoeh baakoe-klaasside juekebe. Dah baakoe-klaassh leah: Substantijvh, pronovmenh, taale-baakoeh, adjektijvh, verbh, adverbh, adposisjovnh, konjunksjovnh, subjunksjovnh, interjeksjovnh jïh smaave baakoeh. Daennie teemesne baakoe-klaassi bïjre lïerh jïh guktie daej joekehts hammoeh.