Ulike funksjonsnedsetjingar
Sjå filmen og bruk døme til å forklare omgrepa
fysisk funksjonsnedsetjing
mental funksjonsnedsetjing
intellektuell funksjonsnedsetjing
sensorisk funksjonsnedsetjing
Finn døme på og årsaker til
varige funksjonsnedsetjingar
forbigåande funksjonsnedsetjingar
Utforskingsoppgåve
Sjekk kva hjelpemiddel som finst på praksisrommet, som de kan låne. Det kan vere rullestolar, rullatorar, krykker eller andre gåhjelpemiddel. I tillegg kan de bruke skjerf som bind for auga for å simulere nedsett syn og øyreproppar for nedsett høyrsel.
Gå saman i par der den eine simulerer nedsett funksjonsevne, og den andre er fagarbeidar som skal legge til rette og rettleie. Oppsøk ulike stader, til dømes kantina på skulen, eit kjøpesenter, eit fotgjengarfelt og ein daglegvarebutikk. Byt roller undervegs slik at de får prøvd begge.
Reflekter i grupper og i klassen.
Korleis opplevast det å ikkje kunne sjå/høyre/gå?
Korleis kjendest det å vere avhengig av hjelp frå andre og/eller hjelpemiddel?
Kva utfordringar opplevde de i rolla som følgespersonar?
Kva er viktig å tenke på når de som fagarbeidarar skal legge til rette for menneske med nedsett funksjonsevne?
Korleis var den universelle utforminga på dei ulike stadene?
Har de forslag til konkrete forbetringar med tanke på universell utforming?