Oppbygginga og funksjonen til sirkulasjonssystemet

Sjå filmklippet frå NRK om hjartet, og jobb med dei følgjande oppgåvene.

Til denne oppgåva treng de ein stor plakatkartong (70x100 cm) og modelleire i ulike fargar, mellom anna raud og blå.

1. Lag ein modell av hjartet og krinsløpa. Lag så ein undervisingsfilm der de nyttar dette og forklarer
   • oppbygginga til hjartet
   • det store og det vesle krinsløpet
   • blodforsyninga til hjartet

2. Filmen blir vist i klassen etterpå. Gruppene vurderer dei følgjande punkta i sin eigen film og filmane til dei andre:

   1. fagleg innhald
   2. læringsutbytte
   3. kreativitet
   4. oppgåvefordeling i gruppa