Brannteori

Opne bilete i eit nytt vindauge

CC BY-SA

Bilete: Tommy Mobæk

Desse tre elementa må vere til stades for at det skal oppstå ein brann:

• brennbart materiale
• tilstrekkeleg varme

• nok tilgang på oksygen

Opne bilete i eit nytt vindauge

CC BY-NC-SA

Bilete: Christian Aasebø

Eit brannforløp kan delast inn i tre fasar:

• brannutvikling

• fullt utvikla brann

• avkjøling

Opne bilete i eit nytt vindauge

CC BY-SA

Bilete: Lars Drage

Ved temperaturar på cirka 600 °C tek dei brennbare gassane i eit brannrom fyr, og vi får det som blir kalla overtenning. Illustrasjonen ovanfor viser eit vanleg brannforløp med overtenning og moglege brannforløp utan overtenning.

Ein brann startar med ei påtenning, ofte som følgje av feil på eit elektrisk anlegg. Kor lang tid det tek før brannen får overtenning og blir ein fullt utvikla brann, er avhengig av tilgangen på brennbart materiale og oksygen. Ofte varer brannutviklingsfasen i 5–10 minutt.

Hugs å tenkje på eigen tryggleik og tryggleiken til andre, og sørg for at de kjem dykk i tryggleik i god tid før brannen eventuelt blir overtent. Fullt utvikla brann er er ein jobb for brannvesenet.

Det er i starten av brannutviklingsfasen vi sjølve kan prøve å sløkkje brannen. I den relaterte artikkelen kan du lese meir om korleis du kan sløkkje små brannar.

Nedanfor ser du ei oversikt over korleis brannhendingar har fordelt seg på ulike næringar i ein fireårsperiode. Vi ser at industribygningar har hatt flest brannhendingar, men også forretningsbygg og kontorbygningar kjem høgt opp på lista.

Opne bilete i eit nytt vindauge

CC BY

Bilete: DSB