Ein brannmur er rett og slett eit program som overvaker all nettverkstrafikken som går inn og ut av datamaskinen. Dersom programmet oppdagar at nokon prøver å få tilgang til maskinen utanfrå utan at vi har bede om det, vil programmet blokkere kommunikasjonen. Det same skjer dersom maskinen prøver å sende data ut på nettet utan at vi har bede han om det.
Trass i at vi må verne oss mot innbrot og datatjuveri frå utsida, skjer faktisk dei fleste datatjuveria av personar som arbeider i bedrifta.
Det kan vere vikarar, mellombels tilsette eller andre tilsette som trur dei kan selje eller bruke informasjonen sjølve. Det kan òg vere tilsette som skal slutte og byrje å jobbe for ein konkurrent, for eksempel ein seljar som skaffar seg ein kopi av kunderegisteret.