Denne teikninga av Terje på to år er typisk for rablestadiet.
Blanding av tilfeldig og kontrollert rabling
Denne teikninga av Terje på to år er typisk for rablestadiet. Ho er ei blanding av tilfeldig og kontrollert rabling. Teikninga begynte med nokre prøvande forskjelligarta strekar og former. Desse er laga med nokså lett trykk på fargestiften og utan særleg kontroll over rørslene. Etter å ha skifta grep på fargestiften laga Terje to kraftige seriar med svingrablingar. Her hadde teikninga meir preg av kontroll. Svingrabling er ei motorisk rørsle som innbyr til kraft og fart, noko som tydeleg kjem fram her. Rableseriane blei laga utan at stiften blei løfta frå arket. Teikninga inneheldt ikkje typiske rundrablingar, men blei avslutta med forsøk på å teikne to kontrollerte rundingar.
Relatert innhald
CC BY-NC-SASkrive av Knut Høihjelle.
Sist fagleg oppdatert 01.02.2019