Finansiering

Opne bilete i eit nytt vindauge

CC BY-NC

Bilete: Shutterstock, NTB

Vi omtaler denne delen av finansieringa som den langsiktige finansieringa.

Som ein hovudregel kan vi seie at alle anleggsmidla bør vere langsiktig finansierte, det vil seie at dei bør ha finansiering som går over meir enn eitt år.

Viss den langsiktige finansieringa er større enn anleggsmidla, får vi det vi har omtalt som arbeidskapital. Eller sagt på ein annan måte: då har vi langsiktig finansiering av delar av omløpsmidla.

Frå gammalt av var det naturleg å ha eit krav om at halve varelageret skulle vere langsiktig finansiert. Dette gjaldt spesielt viss ein selde kapitalvarer, som gjerne låg på lager lenger enn varer som er lettare å omsette.

Ein kan setje opp mange nøkkeltal for finansiering, men vi skal berre sjå på den viktigaste av dei, nemleg eigenkapitalprosenten.

$\mathrm{Formelen} \mathrm{for} \mathrm{EK} \% \mathrm{er}: \frac{\mathrm{EK} \times 100}{\mathrm{TK}}$

$\mathrm{For} \mathrm{vår} \mathrm{bedrift} \mathrm{får} \mathrm{vi}: \frac{80 364 \times 100}{212 400}= 37,8\%$

Ved årsavslutninga året før var EK på 23 %. Fordi overskotet frå årets drift er disponert tilbake til eigenkapitalen, får vi ei fin forbetring av EK %.

Storleiken på EK varierer med risikoen som ligg i bransjen. Kravet til EK kan derfor liggje på mellom 10 og 40 %.

Det viktige nøkkeltalet eigenkapitalprosent blir også kalla for soliditet ettersom det dreier seg om kor solid bedrifta er, eller kva evne ho har til å tole tap.

$\begin{array}{lrcclr}\mathrm{Sum} \mathrm{anleggsmiddel}& 19500& & & \mathrm{Sum} \mathrm{eigenkapital}& 80364\\ & & & & & \\ \mathrm{Sum} \mathrm{omløpsmiddel}& 192900& & & \mathrm{Sum} \mathrm{langsiktig} \mathrm{gjeld}& 3636\\ & & & & & \\ & & & & \mathrm{Sum} \mathrm{kortsiktiggjeld}& 128400\\ & & & & & \\ \mathrm{Sum} \mathrm{eigedeler}& 212400& & & \mathrm{Sum} \mathrm{eigenkapital}/\mathrm{gjeld}& 212400\end{array}$