Her finn du eit Excel-rekneark med cirka 250 ulike transportfaglege omgrep. Lista skal du sjølv sortere i ulike kategoriar eller etter transportform ved hjelp av kodane i reknearket. Deretter skal du lære deg omgrepa innanfor kvar kategori.
Filer
Reknearket inneheld transportfaglege omgrep fordelt på desse 18 kategoriane:
| Kategori nummer | Kategori |
| 1 | Sjøtransport |
| 2 | Vegtransport |
| 3 | Banetransport |
| 4 | Lufttransport |
| 5 | Organisasjonar |
| 6 | Køyretøytekniske omgrep |
| 7 | Omgrep ved tele- og datakommunikasjon |
| 8 | Omgrep ved utveksling av elektronisk informasjon |
| 9 | Omgrep på godsterminalar |
| 10 | Omgrep på passasjerterminalar |
| 11 | Omgrep på grossistterminalar |
| 12 | Omgrep ved tollklarering |
| 13 | Omgrep ved forsikring |
| 14 | Omgrep ved avfallsbehandling |
| 15 | Omgrep ved vareproduksjon |
| 16 | Lovverk |
| 17 | Avtaleverk |
| 18 | Generelle omgrep |
Tabell: Transportfaglege omgrep fordelt på ulike transportmiljø.
Mange av omgrepa blir brukte på tvers av dei ulike transportformene. Ved hjelp av kodane kan du sjølv sortere omgrepa i reknearket. Då ser du kva for omgrep som blir brukte for kvar transportform og på tvers av transportformene. Ved å gjere dette lærer du samstundes omgrepa og kvar dei ulike omgrepa blir brukte i transport- og logistikkbransjen.
Du sorterer data i eit Excel-rekneark ved å merkje dataområdet du vil sortere. Deretter vel du arkfana «Data». Då får du opp ei ny arkfane, der du vel «Sortere». Deretter vel du kva for kolonne du ønskjer å sortere dataa etter. Om du vel å sortere etter kolonne B i reknearket, får du opp vanlege transportfaglege omgrep innan sjøtransport. Sortering etter kolonne C gir omgrep innanfor vegtransport, og så vidare.
Ta vare på reknearket, og oppdater og utvid det etter kvart som du treffer på nye ord som ikkje står i lista.