Hopp til innhold
Fagartikkel

Personifikasjovne

Personifikasjovne sïejhme gïeleldh vierhkie-vierhtie. Maehtebe personifikasjovnem nuhtjedh gosse soptsestibie jïh tjaelebe.
Göökte tsåahkah haelehteminie. Guvvie.
Bilde: Liv Karin Joma / CC BY-SA 4.0

Sïejhme viehkie-vierhtie

Personifikasjovne joekoen sïejhme gïeleldh vierhkie-vierhtie. Gosse mij akt abstrakte almetjen jïjtsevoeth åådtje, dellie daate personifikasjovne. Maehtebe personifikasjovnem nuhtjedh gosse soptsestibie jïh tjaelebe, men maehtebe aaj kåanstesne nuhtjedh.

Daesnie naan vuesiehtimmieh:

  • Tïjje haelehte
  • Frijjevoete akte voelpe
  • Jemhkelde guavla

Vuesiehtimmie kåansteste

Jaememe båata Jedermannem veedtjedh. Guvvie.
Bilde: Ernst Wukits / CC BY-NC-ND 4.0

Gosse mijjieh mïsse akt abstrakte almetji jïjtsevoeth vedtebe, dellie mijjese aelhkebe dam guarkedh. Tjiehpiedæjja Theodor Kittelsen guvvieh dorjeme gærjesne Svartedauden. Kittelsen lea sohtem guvviedamme goh almetje. Naemhtie sohte lea mij akt mij maahta gaajhkesidie båetedh. Aaj guarkebe guktie almetjh bïllijin jïh asvedin, sohte edtji jïjtse gåatan guessine båetedh.

Vuesiehtimmie litteratuvreste

Gærjesne Aarporten jïh åarjelsaemien smaaregh maehtebe soptsesem Klies Kliemman bïjre lohkedh. Soptsesisnie jaememe lea almetji hammoem åådtjeme. Jaememe lea jaemie-aajmoen voejkenh mah båetieh Klies Kliemman åemie gåmmebem veedtjedh.

Gaaltije

Palto, Kirsi. Lyrihke jïh draama. Sjangerheefte 3 (2014), ABC-Company E-skuvla AS

Relatert innhold

Oppgaver og aktiviteter
Maam maahtah?

Man jïjnem måjhtah gïeleldh vierhkie-vierhtiej bïjre kontraste, mubpesth jiehtedh, rijme jïh viertiestimmie? Darjoeh laavenjasside.