Perfektum partisipp av dei sterke verba endar på -e når det står etter å ha: har drukke, har ete, har funne osv.
Når perfektum partisipp av sterke verb er brukt som adjektiv, får det endinga -en i hankjønn og hokjønn eintal, -e i inkjekjønn eintal og -e i fleirtal.

Lær deg gjerne dei åtte sterke verba frå øving A og B. Du får ofte bruk for dei når du skriv. Gjenta øvingane heilt til du klarer dei utan å kikke på oversikta.

Oversikt over partisippa som er brukte i øving A og B

drukken – drukke – drukne
eten – ete – etne
funnen – funne – funne
halden – halde – haldne
lesen – lese – lesne
skoten – skote – skotne
skriven – skrive – skrivne
tillaten – tillate – tillatne

Øvingar

Perfektum partisipp av sterke verb.

Nokon spesielle sterke verb

Sjå på lista over verb nedanfor. Perfektum partisipp av desse verba får ikkje samsvarsbøying når det står som predikativ, det vil seie etter verba å vere og å bli. Eksempel: Stolane er tatt bort. Stolane blei tatt bort.

Infinitiv	Presens	Perfektum partisipp	Infinitiv	Presens	Perfektum partisipp
å bli	blir	blitt	å dra	drar	dratt
å få	får	fått	å gi	gir	gitt
å gå	går	gått	å la	lar	latt
å sjå	ser	sett	å slå	slår	slått
å stå	står	stått	å ta	tar	tatt

Fem av verba på denne lista kan bøyast på to måtar. Du kan for eksempel velje å skrive

eg tek – eg har teke
eg dreg – eg har drege
eg gjev – eg har gjeve
eg let – eg har late
eg slår – eg har slege.

Men vel du desse formene, må du også samsvarsbøye partisippet. Da må du skrive: Stolen er teken bort. Stolane blei tekne bort.

Øving

Læringsmål