Substantiv som endar på -ar

Sjå på desse eksempla:

I alle desse substantiva er det gøymt eit anna ord: å arbeide, Amerika, elektrisk osb. Substantivet er da nemninga på personen som arbeider, lærer bort, vinn, kjem frå Amerika eller jobbar som elektrikar. Slik bøyer vi desse substantiva:

• ein arbeidar – arbeidaren – fleire arbeidarar – alle arbeidarane

Nokre substantiv som endar på -er i bokmål, får -er også i nynorsk, til dømes meister, vinter, kalender, meter, jeger og anger.

Som du no har lært, har substantiva som endar på -ar i nynorsk to kjenneteikn: Dei er avleidde av eit anna ord, og dei er nemningar på personar som utfører ei handling.

Sjekk eksempelorda nedanfor og avgjer om dei oppfyller desse to krava.

• meister
• vinter
• kalender
• meter
• jeger

Av og til er det nødvendig å slå opp kjønn og bøying på eit substantiv.
Bruk nynorskordboka på nett.

1. Slå opp substantivet “time”.
   1. Kva betyr bokstaven m etter ordet?
      Korleis får du opp bøyingsmønsteret for ordet?
      
2. Slå opp orda hus og tid.
   1. Kva for bokstavar står etter orda, og kva tyder dei?
      
3. I oversikta over bøyingsformene er omgrepa “ubunden form” og “bunden form” brukte. På nynorsksidene på NDLA bruker vi to andre omgrep, som kan brukast i både bokmål og nynorsk.
   
   1. Kva heiter dei?