Soejkesjidh
Åvtelen datne aalkah tjaeledh, tjoerh soejkesjidh guktie sïjhth dov vaestiedassem bigkedh. Daesnie raerieh guktie maahtah digkiedimmie-artihkelem tjaeledh jïh aktem lissie-teekstem våaroeminie nuhtjedh.
- Aalkosne datne aamhtesen bïjre tjaalah, man bïjre edtjh tjaeledh. Tjaelieh gyhtjelassem aalkoen minngie-gietjesne, guktie lohkije guarkoe maam datne edtjh digkiedidh.
- Åehpiehdehtieh lissie-teekstide. Mah hedtieh gaavnh?
- Aelkieh digkiedidh. Datne edtjh unnemes göökte jallh golme buerie argumenth gåabpatjahken bieleste utnedh, dovne aevhkieh jïh dåeriesmoerh.
- Galhkuve.
Aelkedh tjaeledh
Daelie datne edtjh pryövedh tjaeledh.
Tjaelieh:
- aalkoem
- göökte boelhketjh åejvie-boelhkesne. Tjaelieh aktem argumentem maam aevhkiem vuesehte jïh aktem argumentem maam dåeriesmoerem vuesehte
- galhkuvem
Aalkoe
Aelkieh aalkoem tjaeledh aamhtesen bïjre jïh bïejh dam stuerebe ektievoetese.
Åejvie-boelhken boelhketjh
Datne edtjh göökte boelhketjh tjaeledh jïh aamhtesen mietie jïh vööste argumenteradidh; Jeatjah gïelh saemien gïelem tsevtsieh. Tjaelieh voestegh boelhketjem gusnie argumenteredh man åvteste saemien-gïele daaroen-gïeleste tsavtseme. Tjaelieh dan mænngan aktem boelhketjem gusnie datne daan vööste argumenteredh.
Guktie boelhketjem bigkedh
Gosse datne edtjh boelhketjem ussjedimmie-teekstesne bigkedh, dellie maahtah naemhtie ussjedidh:
- Aelkieh raajesinie gusnie tjïelkesth man bïjre daate boelhketje.
- Goerehth lahtestimmie-raajesinie.
- Nuhtjh sjiehteles vuesiehtimmieh dov teekstesne.
Minngemes edtjh iktedidh jïh konklusjovnem tjaeledh.
Raerie: Mujhtieh faage-dïejvesh jïh faage-maahtoem nuhtjedh.
Galhkuve
Buerie raerie dutnjien: Mujhtieh galhkuvem tjaeledh!
Gellie laavenjassh göökte boelhkh utnieh, gusnie datne edtjh dov jïjtje vuajnoem tjïelkestidh mubpene boelhkesne. Jis datne dejnie orrijih, dellie ij dov naan galhkuve.
Galhkuve lea tjïelkes boelhketje teeksten minngie-gietjesne. Mujhtieh aalkoem lohkedh åvtelen aalkah galhkuvem tjaeledh. Dov lea gyhtjelasse aalkoen minngie-gietjesne? Jis dov lea, dellie maahtah tjïelke vaestiedassem tjaeledh galhkuvisnie.