Hopp til innhold

Fagstoff

Gïeh raaktan doh jeatjebh?

Daelie mijjieh edtjebe sinsitnine åahpenidh! Nuhtjh barkoem portrehte-gihtjehtimmine juktie aktine klaassesne jallh dov skuvlesne buerebelaakan åahpenidh.

Almetje daatovrisnie tjaelieminie. Guvvie.

Gïeh raaktan dov orre klaasse-voelph?

Gosse datne portrehte-gihtjehtimmine barkeminie, sïjhth dejnie almetjinie datne gihtjehth buerebelaakan åahpenidh.

Sjangere portrehte-gihtjehtimmie

Ulmie portrehte-gihtjehtimmine lea lohkije edtja almetjinie buerebelaakan åahpenidh. Jienebh sæjroeh dejnie almetjinie maam gihtjehth edtjieh vååjnesasse båetedh, jïh journaliste daamtaj pryövoe såemies væhtah persovnelesvoetesne jïh ovnohkens aath vuesiehtidh viehkine heannadimmieh jïh tsiehkieh vaajestidh mej bïjre almetje soptseste. Aaj sïejhme kråahpe-gïelem jïh byjresem buerkiestidh mesnie almetje lea gihtjehtimmesne.

Daelie edtjh råållam journalistine jïh gihtjehtæjjine utnedh, jïh hijvenlaakan gihtjehtimmie-tsiehkiem soejkesjidh jïh dan mænngan gihtjehtidh. Minngemes edtjh gihtjehtimmiem noeredh.

Maam datne edtjh darjodh?

Naemhtie edtjh barkedh:

  1. Åvtebarkoe

    • Maam almetjen bïjre daajrah aarebistie?

    • Mïsse onterdh?

  2. Goerehtidh

    • Gaskeviermesne goerehtidh

  3. Gihtjehtæmman ryöjredidh

    • Darjoeh hijven gyhtjelassh

    • Soejkesjh tjoeje-baantedimmiem

  4. Gihtjehtidh

  5. Veeljedh maam sïjhth nuhtjedh jïh gihtjehtimmiem noeredh

  6. Gihtjehtimmiem illedh

  7. Gihtjelgæjja edtja sitaate-åtnoem jååhkesjidh

    • Kvaliteete-gorredimmie

  8. Lohkehtæjjese åehpiedehtedh

Aalkoe-laavenjasse: Gaavnh dov gihtjelgæjjam

Gaavnh naakenem maam ih dan veele damth, dagke akte dov klaasseste, dagke akte guhte aaj saemien ööhpehtimmiem veeljeme jallh dagke akte dov lohkehtæjjijste?

Darjoeh portrehte-gihtjehtimmiem.

Orre baakoe

Saemien

Daaroen

gihtjelgæjja

intervjuobjekt


CC BY-NC-SASkrevet av Åsa Abusland, Albertine Aaberg og Ellen Bull Jonassen.
Sist faglig oppdatert 20.04.2021

Læringsressurser

Portrehte-gihtjehtimmie

Fagstoff