Hopp til innhold

Fagstoff

Guktie argumenteradidh?

Argumentasjovne lea vuekie guktie maahtah ussjedidh jis sïjhth digkiedidh jallh argumenteradidh. Gosse dov aajkoe, gïem akt baajnehtidh dellie maahtah ovmessie vuekine argumenteradidh.
Galhkuve. Guvvie.
Åpne bilde i et nytt vindu

Guktie argumenteradidh?

Vihkielommes argumentereles teekstine lea argumentasjovne. Aajkoe lea dåastojem baajnehtidh. Gellien aejkien tjoerh gellie ovmessie argumenth nuhtjedh guktie aajkoem jaksedh.

Ryöktesth jïh gaahpoeh argumenth

Argumentasjovne mij åehpies daejremen mietie jïh maam maehtebe vuarjasjidh, lea gaahpoeh jallh ryöktesth argumentasjovne. Daejremevoeten teekstinedaate argumentasjovne aelhkie guarkedh jïh vihkielommes juktie krïevebe argumenth edtjieh eensi jïh tjïelke årrodh.

Ov-ryöktesth jïh tjeakoes argumenth

Mijjieh jeenjemes gyhtjelassh digkiedibie. Akte gyhtjelasse vuesiehtimmien gaavhtan ovjuvre-politihke. Mijjieh maehtebe vierhtieh, vuajnoeh jïh aaj daejremem digkiedidh.

Dannasinie seedtije tjuara dovne jiermiem jïh vaajmoem baajnehtidh, appelleradidh. Seedtije sæjhta dov domtesh baajnehtidh. Ij leah man aelhkies tjeakoes argumenth vueptiestidh. Maehtebe seedtijen argumenth goerehtidh daejnie gyhtjelassigujmie:

  • seedtije sæjhta domtesh baajnehtidh?
  • mah gïeleldh vierhkie-vierhtieh seedtije nuhtjie?
  • maam seedtije jeahta/tjaala guktie dåastoje edtja dam jaehkedh?

Dam maam jeahta tjuara aaj maehtele jïh saatnan årrodh guktie mubpieh edtjieh satnem goltelidh jïh jaehkedh.

Logose, etose jïh patose

Dah greekeladtjh mïelin håaloje sov goltelæjjah tsavtsa golme vuekine. Dah golme appelle-hammoeh dah gåhtjoejin logosinie, etosinie jïh patosine. Logose-appelle lea gaahpoeh argumentasjovne, fakta-argumenth mejtie håaloje buakta. Etose jïh patose appelle-hammoeh mah tjeakoehkisnie: Etose jis håalojem jaehkebe, jïh patose domtesh mah håaloje sov goltelæjjine gååske jïh mïelide appellerade. Aelhkebe vuekine maehtebe jiehtedh, etose jïh patose ektesne tjeakoes argumentasjovne.

Baakoeh

Saemien

Daaroen

argumenteradidh

argumentere

argumente

argument

argumenteles

argumenterende

argumentasjovne

argumentasjon

argumenteradimmie

argumentering

argumenteradimmie-vuekie

argumentasjonsmåte

CC BY-SASkrevet av Helen Blind Brandsfjell.
Sist faglig oppdatert 20.05.2020

Læringsressurser

Gaskesadteme

Fagstoff

Oppgaver og aktiviteter