Hopp til innhold

Oppgaver og aktiviteter

Laavenjassh: Goltelidh jïh soptsestidh

Laavenjassh faage-sæjrose «Goltelidh jïh soptsestidh».
Nïejte jïh baernie. Guvvie.
Begrenset bruk
Bilde: Ulrika Tapio

1. laavenjasse

NRK Saepmie radijove-saadtegh seedtie åarjelsaemien-gïelesne.

  1. Goltelh aktem daejstie jïh goltelh eensilaakan maam journaliste jeahta. Tjaelieh tsiehkie-baakoeh mearan golteleminie.
  2. Maam jeahtasovvi?
  3. Veeljh aktem aamhtesem saadtegistie. Maam mïelh aamhtesen bïjre? Buerkesth. Jis daarpesjh maahtah vielie bïevnesh ohtsedidh, v.g. gaske-viermesne.
  4. Ussjedh datne journaliste. Darjoeh njaalmeldh reportaasjem aamhtesen bïjre.

2. laavenjasse

NRK Saepmie aaj TV-saadtegh åarjelsaemien-gïelesne seedtie.

  1. Vuartesjh aktem daejstie gusnie naakenh argumenteradieh.
  2. Vuartesjh jïh goltelh eensilaakan maam dah jiehtieh.
  3. Guvvieh jïh sisvege aamhtesasse sjiehtieh? Buerkesth.
  4. Goltelh argumentasjovnem. Mah argumenth dah nuhtjin?
  5. Ovmessie vuekieh gååvnesieh guktie maehtebe argumente-raajesinie aelkedh.
    Vuesiehtimmien gaavhtan:
  • Mïelem/Manne mïelem ...
  • Mov mïelen mietie ...
  • Mov mïelesne ...
  • Mov vuajnoe ...
  • Ussjedem/Manne ussjedem ...
  • Sïjhtem jiehtedh ...
  • Tuhtjem/Manne tuhtjem ...
  • Vïenhtem/Manne vïenhtem ...

  • Åtnam/Manne åtnam ...

    Ussjedh jïh tjaelieh dov argumenth aamhtesen bïjre. Mujhtieh sjyöhtehke jïh eensi argumenth nuhtjedh.

CC BY-SASkrevet av Helen Blind Brandsfjell.
Sist faglig oppdatert 23.01.2024

Læringsressurser

Gaskesadteme