Guoddevaš ovdáneapmi fáddái gullet muhtimat dálá áiggi stuorámus hástalusain. Dálkkádatrievdamat rievdadit eatnama eallineavttuid. Resurssat geavahuvvojit ja luondu goariduvvo ee. huksemiid, birasmirkkuid, mátkkoštanealáhusaid ja amas šlájaid geažil. Sáhttit go gávdnat guoddevaš čovdosiid?

Ekologiija čilge luonddu bajáshuksema, ja maiddái mo ovttasdoaibma lea organismmaid ja birrasa gaskkas gos ellet. Vai nagodat suodjalit luonddu ja hálddašit luondduresurssaid buori vugiin, de fertet ipmirdit mo rievdamat dálkkádagas váikkuhit ovttasdoaibmama, ja gávdnat guoddevaš čovdosiid.