Eallisilba guliin ja skálžoelliin

Raba gova ođđa siiddus

CC BY-NC-SA

Govva: Lars Laursen

Vulobealde kárta juohká dieđuid das man ollu eallisilba lea guliin, reabbáin ja skálžoelliin máŋgga sajis Norggas.

Geavat kártta ja dieđuid mat das leat lagas guovllu dilalašvuođa iskat dahje eará guovllu iskat gosa dus leat čanastumit.

• Sáhtát kártta rahpat sierra siiddus birasdirektoráhtas. Vállje Vannmålinger - kjemi og biologi Ferskvann vuolde.

• Máŋgga lokalitehtas leat lassin eallisilbba dássái maiddái mihtidan gávdnojit go eará birasmirkkot ja pH dássi lassin šlájáid aicamii. Deaddil dan lokalitehtii maid háliidat guorahallat. Doppe gávnnat mihtádusdieđuid bajimusas olgeš bealde ("Eksporter alle måledata for vannlokaliteten").

  Fuomáš ahte eai soaitte gávdnot mihtádusat buot lokalitehtain.

1. Kárta čájeha "olles ekovuogádaga biddjon rádjeárvvuid ". Mii rádjeárvu lea?
2. Maid jáhkát oaivvilduvvon "olles ekovuogádaga rádjeárvvuiguin"?
3. Eallisilbba sisdoallu mihtiduvvo mg/kg v.v. Gávnnat dán mearkkašumi.
4. Gávnnat guđet rádjeárvvut gustojit sáivaguollái eallisilbba ektui.
5. Vállje muhtin šlájá ja soames lokalitehta. Ovdanbuvtte áicamiid gráfalaš ovdanbuktimis. Kommentere sullasašvuođaid ja erohusaid, ja geahččal gávdnat čilgehusaid daidda. Gávnnat go lokalitehtaid gos rádjeárvvut leat rasttilduvvon? Manne gávdno eallisilba guolejávrriin guhkkin meahcis?
6. Loga Biebmobearráigeahču biebmodoalloneavvagiid sáivaguoli ektui: "Sáivaguolli ja eallisilbanuoskkideapmi" čuovvovaš siiddus, matportalen.no
   1. Maid sii nevvot?
   2. Maid mearkkašit neavvagat sutnje gii iežas atnui oaggu?
   3. Maid mearkkašit neavvagat sutnje gii earáide vuovdá guoli?
   4. Don gottát logi vuskona main obbadeaddu lea 200 grámma. Muhtin skuvlaviellja/oabbá dus goddá ovtta vuoskku mas obbadeaddu lea guokte kilográmma. Buot guolit leat seamma jávrris oggojuvvon. Goappá sállaša lea dorvvoleabbo borrat go árvvoštallá birasmirkko sisdoalu ektui?