Bargobihtát ekovuogádagaid, biebmogollosiid, biebmofierpmádaga ja birrajohtima birra.
Ekovuogádat - biebmogollosat - biebmofierpmádagat - birrajohtin
- Mii lea ekovuogádat?
- Guđe lágan oasit leat álohii ekovuogádagas?
- Guđet biohtalaš faktorat (ealli oasit) leat ekovuogádagain?
- Namut 5 abiohtalaš faktora (eai ealli oasit) mat váikkuhit eallimii jeaggeláddos.
- Geahččal gávdnat 4 abiohtalaš faktora mat váikkuhit dasa guđet šaddošlájat sáhttet eallit darfegearddis (lavdnjegearddis) jeakkis.
- Šattut gohčoduvvojit buvttadeaddjin ja eallit ges golaheaddjin. Manne?
- Čilge mii šlájaid ekologalaš nišša lea.
- Čilge mii biebmogoallus lea.
Geavat govvosa mii lea vuolábealde. Govahala ahte muhtin organismmat biebmofierpmádagas jávket. Maid mearkkaša dat olles vuogádahkii?
- Maid jáhkát geavašii jus fáhkanat jávkkaše?
- Mii geavašii jus guollemáddaga bearehaga bivddášii (guolásteami bokte), nu ahte guolli ii šat livčče oassin biebmofierpmádagas?
- Mii geavašii jus debbot (planktonšattut) jávkkaše?
Guhte dáhpáhus váikkuhivččii eanemus organismmaide?
- Mii dadjat ahte ávdnasiin lea giddejuvvon birrajohtin ja energiijas fas lea rabas birrajohtin. Mii lea erohus?
CC BY-NC-SADán lea/leat čállán Einar Berg ja Svein Gunnar Råen. Vuoigatvuođaguoddi: NKI Forlaget
Maŋemusat ođastuvvon 05/15/2018