Nokon e-verb som er litt spesielle

Dei fleste e-verba er enkle å bøye: Endar preteritumsforma på -te, så får perfektum partisipp endinga -t. Endar preteritumsforma på -de eller -dde, så får perfektum partisipp endinga -d eller -dd.

• undersøker - undersøkte - har undersøkt
• lever - levde - har levd
• arbeider - arbeidde - har arbeidd

Når perfektum partisipp av desse e-verba blir brukt som adjektiv, treng vi berre hugse på fleirtals-e: ein undersøkt pasient, eit undersøkt barn, undersøkte pasientar.

Men det finst nokon få e-verb som skal ha -de i preteritum og -t i presens perfektum. Verba på lista nedanfor bruker vi ofte, og derfor er det lurt å kunne dei:

• gløymer – gløymde – har gløymt
• drøymer – drøymde – har drøymt
• høyrer – høyrde – har høyrt
• køyrer – køyrde – har køyrt
• slenger – slengde – har slengt
• stenger – stengde – har stengt
• sender – sende – har sendt
• å melde – melde – har meldt
  

Når vi bruker perfektum partisipp av desse verba som adjektiv, må vi passe på litt ekstra. Vi bøyer dei slik:

ein stengd butikk – ei stengd dør – eit stengt lokale – stengde svømmehallar