Fagartikkel
Mij retorihke?
Fïerhten biejjien datne gyhtjelassh åadtjoeh mah krievieh datne tjoerh dov vuajnoem tjïelkestidh. Dellie tjoerh dov vuajnoem jeatjabidie buerkiestidh jïh man åvteste dov lea reaktoe jallh man åvteste ussjedh guktie darjoeh.
Maale mij vuesehte guktie mijjieh gaskesadtebe. Bilde: Einar faanes / CC BY-SA 4.0
Aarebi idtjin advokaath gååvnesh. Dellie almetjh tjoerin jïjtjh åeliedæjjine jallh joejtehtæjjine årrodh. Dah tjoerin jïjtjh sijjen saaki bïjre tjïelkestidh ussjedammes jïh eensilaakan. Baakoe retorihke sæjhta jiehtedh «guktie jaehkiehtidh». Håaloje tjuara eensilaakan teemam maehtedh jïh damtedh. Tjuara aaj daejredh gïese edtja soptsestidh. Dan mænngan vihkeles håalemem veele soejkesjidh juktie datne daajrah man bïjre edtjh soptsestidh, jïh guktie.
Retorihkem maehtebe golme boelhkide juekedh
- Retorihke åtnoe: dam maam manne tjaalam, jeahtam jallh dam maam datne tjaalah jeahtah
- Retorihke teorije: learoe retorihken bïjre. Guktie mijjieh retorihkem nuhtjebe juktie maehtebe jeatjabidie jaehkiehtidh
- Retorihke analyse: guktie dotkije retorihkem analyserede maam mijjieh nuhtjeme