Laavenjasse reklaame-annonsese

Analyseredh annonsem Lerumistie.

Nuhtjh maallem.

Bijjie-guvvie teeksteste

• Gie jeahta maam gïese, gusnie, gåessie, guktie jïh man åvteste?
• Mij sjangeridie daate?
• Gusnie sïejhmemes daagkeres teekstem gaavnebe?
• Mij åssjele teekstine?
• Mij lea dorjese maam edtjieh doekedh?
• Man jïjtsevoetese dorjesisnie annonse tjelmide åtna?
• Mij lea teeksten ulmie-dåehkie?

• Gaavnh bïevnesh seedtijen bïjre Gaske-viermesne (lerum.no)

• Maam gïehtelimmie dorje?

• Gusnie höölleste?

Lïhke-lohkeme

Buerkesth doh ovmessie bielieh mejstie annonse lea tjåanghkan bïejeme.

Åejvie-guvvie

• Mij lea tjelmie-dåastoje?
• Mij lea bïejeme åvtene?
• Buerkesth duekiem. Maam dïhte vuesehte?

Tihtele (bijjie-baakoe)

• Maam maahta jiehtedh lea annonsen bijjie-baakoe?
• Mah såarhts bïevnesh vadta?
• Magkeres såarhts tovna sjugniesåvva baakoej jïh tjaeleme-såarhti tjïrrh?

Laejpie-teekste

• Gusnie bïejesovveme?
• Magkeres tjaeleme-gïelem nuhtjeme?
• Magkerh faakta-bïevnesh laejpie-teekste vadta?
• Magkerh dåajvoehtassh vadta? (Vaeltieh aaj meatan teekstem mij lea vöölemes jïjtjehke juvse-burhtjesne.)

Logo jïh faamoe-baakoe

• Man daamtaj Lerum-logo vååjnoe?
• Mij Lerumen faamoe-baakoe?
• Magkerh vuajnoeh seedtijistie faamoe-baakoe vadta?

Klaerie-åtnoe

• Mij klaeride jeenjemes vååjnoe annonsesne?
• Mah bïevnesh tjïertestamme sjidtieh viehkine daehtie klaereste?
• Mejstie klaerijste jeenjemes annonsesne? Galme jallh baahke klaerieh?

Argumentasjovne annonsesne

Goerehth guktie guvvieh, teeksth jïh grafihken vierhkie-vierhtieh åtnasuvvieh ihke seedtije edtja ussjedammes vååjnedh, bïevnesh aamhtesen bïjre vedtedh jïh domtesidie lohkijen luvnie appelleradidh.

Etos: seedtijen ussjedammesvoete

• Guktie seedtije pryövoe annonsesne vååjnedh?
• Guktie teekste, guvvieh jïh grafihkeles vierhkie-vierhtieh viehkiehtidh daam vuajnoem seedtijistie sjugniedidh?

Logos: ryöktesth argumentasjovne

• Man gellie rïektesvoeth/faaktah annonsesne gaavnebe mejtie gåarede gïehtjedidh?
• Mah bagkesimmieh ibie maehtieh gïehtjedidh?
• Mij maahta mijjem jaehkiehtidh guktie bagkesimmide læjhkan jååhkesjibie?

Patos: appelle domtesisie

• Man åvteste vaaroe bïejesåvva fïerske eeplajgujmie ektine?
• Maam eatneme, mij lea våajnoes duekesne, edtja vaaroen bïjre soptsestidh?
• Man åvteste motijve, maam åejvie-guvvesne vuejnebe, aaj juvse-burhtjesne?
• Guktie doh ovmessie klaerieh viehkiehtieh doekeme-dïjrem tjïertestidh.
• Mah gïeleldh vierhkie-vierhtieh seedtije nuhtjie juktie hijven vuajnoem vaaroste sjugniedidh?

Iktedimmie

• Mehtie såarhts argumentasjovneste vaenemes gaavnh?
• Mehtie såarhts argumentasjovneste jeenjemes?
• Argumentasjovnine annonsesne veelelaakan barkeme guktie dovne teekste jïh guvvieh aktem aktelaaketje reklaame-dïjrem buakta mij tsavtsa? Jeatjah baakoejgujmie: daate akte lyhkedihks teekste, retorihken mietie?