Båatsoebïenjen bïjre

Båatsoe-saemide vihkeles nuhtegs ryöjnesjimmie-bïenjh utnedh. Åvtesne dah bïenjh eevre daerpies gosse edtjin krievvieh bæjroehtidh jïh vuejiehtidh, gosse tjöönghkedh jïh geadtan tsaekedh. Dillie göökte jallh jienebh bïenjh aaj utnin seamma aejkien juktie meehtin bïenjide målsodh gosse dah sæjloejin.

Båatsoe-bïenje buerie viehkine daan biejjien aaj, jalhts saemieh skovterh, motovre-sygkelh, drovnh jïh haepkiem pruvhkieh. Aelhkebe krievvieh juhtiehtidh gosse vuejiehtæjja bïenjem åtna. Maahta bïenjem minngiehkistie seedtedh, hotskelidh edtja raedtiem stuvrehtidh jïh dovne njueniehkistie jarkelidh. Gosse aajhtere bïenjem seedtie pråvhka gïetine aaj vuesiehtidh gåabph edtja vaarredh. Aelhkebe dellie bïenjese guarkedh bïevnesem maam edtja darjodh.

Saemien-gïelesne sjïere stillemh gosse bïenjem håtskoehtidh:

• Aassh vuejelh!
• Aassh minngesne!
• Aassh minngielistie!
• Tjoh raedtiem!
• Raedtiem!
• Aassh njueniehkistie!
• Mov minngesne!
• Huhtieh!

Sjïere dovne bïevnesh bovtside gosse guvhkehte jïh sjaajhkehte juktie krievvie edtja minngesne båetedh:

• Go-oh, go-oh, go-oh, ...
• Sjiisj-sjaa, sjiisj-sjaa, ...

Jïh gosse krievviem vuejehte, dam hajkehte jïh håajhkehte naemhtie:

• Hajh, hajh, ...
• Aaho-o-o, aaho-o-o, ...
• Uhoov, uhoov, ...