Universell utforming

Turstien over er planlagt og laga slik at småbarnsforeldre kan ta med barnevogna på tur i skogen, og at rullestolbrukaren kjem fram. Omgivnadene er utforma slik at dei blir tilgjengelege for flest mogleg. Interiør i både offentlege bygg og private heimar skal planleggast slik at det er universelt utforma i samsvar med ulike forskrifter og lover.

Ein profileringsdesignar bør utforme skilt på ein slik måte at dei fungerer godt for alle, også eldre, blinde og svaksynte. Frisørsalongen skal kunne ta imot kundar i rullestol, og det skal vere mogleg for ein svaksynt å kome inn i butikken for å kjøpe ein blomsteroppsats. Er prøverommet i systova praktisk nok for ein kunde som går med krykker? Har utstillingsdesignaren plassert produkt slik at dei er tilgjengelege for alle?

Film: Universell utforming

I filmen under (lengde 5:53) fortel Vetle på 16 år og fagpersonar frå skulen og helsetenesta om kva universell utforming har å seie for integrering og deltaking.

Test ut korleis det er å ha nedsett fysisk funksjonsevne.

For å forstå dei ulike behova kan du gi deg sjølv utfordringar som å utføre noko i blinde eller med rullestol. Bruk erfaringane du får når du utarbeider idéar til produkt, tenester, konsept eller løysingsforslag. Universell utforming betyr at produkt, omgivnader, tenester og løysingar skal kunne brukast av flest mogleg på ein likestilt måte.

Oppgåve

Lån ein rullestol. Kjøpesenter har ofte rullestol til utlån. Ver kunde i ein frisørsalong, i ein gullsmed, i ei systuee, ein blomsterbutikk eller ein møbelbutikk. Korleis er det å gå rundt? Får du tilgang til dei produkta du treng? Møtte du nokon utfordringar?
Samarbeid med ein medelev, gjerne ein du bur i nærleiken av. Ein får bind for auga og går inn i rolla som blind, og ein skal leie den blinde. På førehand har de valt ei kjend reiserute, til dømes frå skulen og heim. De skal reise med kollektivtransport saman. Korleis er det å kome seg fram til framkomststaden? Kva hinder eller utfordringar møter du på?

Universell utforming

Med universell utforming (uu) blir det meint utforming av produkt, omgivnader, program og tenester på ein slik måte at dei kan brukast av alle menneske, i så stor utstrekking som mogleg, utan behov for tilpassing og ei spesiell utforming. Dette er definisjonen av uu som står i FN-konvensjonen om rettane til personar med nedsett funksjonsevne.

Sida har flytta, men du finn ho her: