Kjønnsmangfald, respekt og anerkjenning

Kjønnsmangfald vil seie at det finst mange ulike kjønnsidentitetar og kjønnsuttrykk. Sjølv om vi har kjønnsmangfald i Noreg, risikerer menneske som bryt med dei tradisjonelle kjønnsnormene å møte intoleranse og fordømmelse.

I denne oppgåva skal du reflektere over og diskutere kjønnsmangfald og svare på følgjande problemstilling:

• Korleis kan vi skape eit samfunn der vi anerkjenner og respekterer ulike kjønnsuttrykk og kjønnsidentitetar?

De kan svare på denne oppgåva på fleire ulike måtar. Til dømes kan de velje å avgrense oppgåva og fokusere på nokre konkrete utfordringar og løysingar eller velje ei breiare tilnærming. Jobb individuelt eller i grupper og vel ulike arbeidsmåtar. De kan til dømes

• skrive eit refleksjonsnotat

• lage ein presentasjon ved hjelp av Powerpoint, Prezi, Keynote eller eit anna presentasjonsverktøy

• lage ein podkast der de svarer på oppgåva ved hjelp av eit intervju, ein radiodokumentar eller eit rollespel

• lage ein kampanjeplakat eller ein kampanjevideo