Oppgave

Korleis verkar drivhuseffekten, trur du?

Ungdommane diskuterer "Korleis verkar drivhuseffekten?" Les påstandane, tenk gjennom kva du meiner og del med nokon andre.

Tenk – kven er du mest einig med? Hugs at det ikkje er sikkert at nokon har heilt rett. Kanskje kjem det an på situasjonen?
Par – fortel kva du har tenkt til ein annan.
Del – diskuter i klassen.

Forklaringar til påstandane

Påstandar

Jorda sin atmosfære fungerer som eit drivhus fordi han er full av ${CO}_{2}$ .
Det er mange gassar i atmosfæren som bidreg til drivhuseffekten.

Forklaring

Av gassane som finst i atmosfæren, utgjer karbondioksid omtrent 0,04 %. Dermed blir det ikkje riktig å seie at atmosfæren er "full av ${CO}_{2}$ ", men karbondioksid er ein viktig drivhusgass trass relativt låg konsentrasjon.

I tillegg til ${CO}_{2}$ har vi drivhusgassar som

metan ( ${CH}_{4}$ )
vassdamp ( $H_{2} O$ )
lystgass ( $N_{2} O$ )
KFK-gassar

Påstand

${CO}_{2}$ gir sur nedbør, ikkje drivhuseffekt.

Forklaring

Det er riktig at ${CO}_{2}$ gjer vatn litt surt. Når det gjeld sur nedbør, så er effekten av nitrogenoksid og svoveldioksid mykje større.

At havet blir surare på grunn av at meir ${CO}_{2}$ løyser seg opp i havvatn, er eit stort problem. Organismar som har ytre skjelett av kalk (korallrev og muslingar), får problem når kalken blir løyst opp av surt havvatn.

Påstand

Det er hola i ozonlaget som slepp inn meir varme.

Forklaring

Ozon finst blant anna i atmosfæren og beskyttar oss mot skadeleg UV-stråling. Såkalla "hol" i ozonlaget er område der konsentrasjonen av ozon er lågare enn vanleg. Her slepp meir UV-stråling gjennom, men dette bidreg ikkje til drivhuseffekt.

Reglar for bruk av teksten "Korleis verkar drivhuseffekten, trur du?"