Lag ein trailer eller eit reality-konsept
Vel éi av oppgåvene.
Oppgåve 1
Lag ein trailer
Bruk det du har lært om forteljeteknikk i sjangerfilm og TV-seriar, og lag ein trailer. Du vel sjølv om det skal vere ein trailer til ein film eller til ein TV-serie.
Hugs at traileren du skal lage, ikkje treng å vere knytt til ein film eller serie som faktisk finst frå før. Ver kreativ!
Oppgåve 2
Lag eit reality-konsept
Oppgåva kan løysast individuelt eller i grupper.
Eit konsept er kort fortalt ein idé med ein plan. Du skal no lage eit reality-konsept med utgangspunkt i det du har lært om forteljeteknikk i reality-konsept.
Hugs at det finst fleire metodar og verktøy for idéutvikling, som for eksempel tankekart. Bruk dette når du jobbar med å planleggje konseptet. Når du har laga ein plan med skisser, manus, synopsis, storyboard eller liknande, skal du presentere reality-konseptet for dei andre i klassen.
Eigenvurdering
Kor einig er du i desse utsegnene?
Ranger di eiga læring på ein skala frå 1 til 6, der 1 = svært ueinig og 6 = svært einig.
- Eg veit kva som kjenneteiknar sjangerfilmar, TV-seriar og reality-konsept.
- Eg kan vurdere forteljeteknikk og verkemiddel i seriar og filmar eg pleier å sjå på.
- Eg kan vurdere og bruke forteljeteknikk og verkemiddel i eigne produksjonar.