Oppgåve
Maskering av sus
Gjer du lydopptak med mobiltelefon eller datamaskin, blir det som regel sus på lydsporet. Suset kan dempast og maskerast med ein equalizer og enkel redigering.
Bilete: Science Photo Library, NTB scanpix / CC BY-NC-SA 4.0
- Opptak: Gjer eit stemmeopptak med den innebygde mikrofonen i maskinen eller i telefonen. Det er berre fint viss det blir med litt sus. Høyr på opptaket og legg merke til at det er sus i opptaket.
- Redigering: Legg inn filene i lydprogrammet.
- Sjå først om du kan redusere susen på opptaket med ein equalizer ved å senke nivået på ulike delar av diskant-området.
- Høyr korleis det påverkar forståinga av det som blir sagt.
- Legg inn klippa i redigeringsprogrammet.
- La det vere fem sekundar frå start til den første fila blir spelt av.
- Truleg blir det eit hakk der opptaket og susen startar. For å redusere oppfattinga av støy, kan du no leggje inn ein lyd som maskerer starten på sus-sekvensen. Det kan for eksempel vere ein bil som passerer eit halvt sekund før susestart og dekkjer til susestarten.
- Opplever du at susen er spesielt tydeleg no, eller er han til å leve med?
- Presentasjon: La dei andre i klassen høyre før og etter redigering