Arbeidsoppdrag
Skriv synopsis og set opp manus
Ein profesjonell filmproduksjon startar med grundig forarbeid. Lær deg å utvikle synopsisar med tydeleg dramaturgi, og øv deg på å skrive og setje opp eit profesjonelt manus.
Bilete: Maskot / CC BY-NC-SA 4.0
Skriv ein kort og enkel synopsis som tek utgangspunkt i deg sjølv som hovudperson. Tenk deg at du sit i klasserommet, og plutseleg skjer det noko uventa. Avgrens handlinga til klasserommet og finn på ein slutt på forteljinga.
I synopsisen skal du bruke desse omgrepa:
- hovudkarakter (protagonist)
- konflikt/motstand (antagonist)
- mål
- vendepunkt
- klimaks
- løysing
Tenk så gjennom og beskriv den igangsetjande hendinga i historia di.
Bruk fantasien!
Ta utgangspunkt i synopsisen du har laga, og skriv eit kort og enkelt manus som beskriv éin scene i filmen. Bruk standard oppsett for manusskriving, anten du bruker eit vanleg skriveprogram eller verktøy på nett (til dømes Writer Duet eller Celtx).
I manuset skal du ha med
- framside med tittel, forfattar og kontaktinformasjonen din
- sceneoverskrift med scenetal, kvar vi er, og tid på døgnet
- handling
- karakterar (med ein kort introduserande karakteristikk)
- dialog