Fagartikkel
Del idear på dialogkafé
Dialogkafé kan brukast for å dele idear med kvarandre i eit kreativt prosjekt.
God dialog kan fremje kreativiteten. Bilete: Science Photo Library / CC BY-NC 4.0
Dialogkafé er ein måte å dele idear og oppmuntre til samarbeid på. Ein kan òg bruke dialogkafé som metode som ei oppsummering etter at ein har gjennomgått eit tema.
- Set opp rommet som ein kafé med småbord (4–6 deltakarar) og noko å ete og drikke. Legg eit stort papir på kvart bord. På papiret står det eit spørsmål, som gruppa skal snakke om.
- Ein ved kvart bord skriv ned tankane som dukkar opp undervegs i samtalen. Etter 10 til 20 minutt byter alle deltakarane grupper, bortsett frå éin, som blir sitjande.
Når dei nye gruppedeltakarane kjem til bordet, forklarer den som sit att, kva den første gruppa har kome fram til, og dei nye kjem med nye idear og perspektiv.
Byt bord til alle har vore innom alle borda.
Relatert innhald
Fagstoff
Dialog i kreative prosessarKorleis kan dialog hjelpe oss i kreative prosessar? Vi følgjer studentar i eit samarbeid der dei skal designe ein kniv. Dei deler erfaringar og gode råd.