Utforsk konspirasjonsteoriar

Kva for konspirasjonsteoriar kjenner du til? Lag ei liste, gjerne saman med ein medelev.

• Kva for saker tek desse konspirasjonsteoriane føre seg?

Vel deg ut éin konspirasjonsteori du vil sjå nærare på. Bruk gjerne ein av dei som blir nemnde i videoen.

1. Finn fleire kjelder som beskriv og forklarer hendinga eller fenomenet på ulike måtar.
2. Ta ein kjeldesjekk på kjeldene du har funne. Bruk hugseregelen TONE.
3. Kva for kjelder belyser hendinga eller fenomenet best? Grunngi svaret ditt.

Les gjerne fagartikkelen "Falske nyheiter svekker tilliten til media".

Kor farleg er det å tru på konspirasjonsteoriar, og kven lèt seg overtyde av desse?

1. Kva trur du er svaret på desse to spørsmåla? Skriv ned eller diskuter med ein medelev. Hugs å grunngi svara dine!

2. Bruk fleire kjelder til å finne svar på spørsmåla. Start gjerne med desse to artiklane:

   1. "Konspirasjonsteorier er det stikk motsatte av kritisk tenkning" (ublogg.no) av Marte Mesna (Ublogg, 2019)
   2. "Personer som tror på konspirasjonsteorier ser verden som et farlig sted" (forskning.no) av Elise Kjørstad (Forskning.no, 2018)
3. Kjenner du til ein eller fleire hendingar dei siste åra som er inspirerte eller utløyste av konspirasjonsteoriar?

Lag ein konspirasjonsteori! Bruk det du har lært gjennom filmen og det som står i punkta under til å konstruere din eigen teori.

1. Lag ei alternativ forklaring til ei nyleg hending eller eit ganske nytt fenomen som det ikkje allereie finst ein slik teori for.
2. Presenter konspirasjonsteorien din for medelevar. Bruk kunnskapane dine om retorikk til å prøve å overtyde dei.