Mål for oppgåvene

Du skal

1. Individuelt: Kva er plagiat? Søk og skriv

Plagiat er eit omgrep som blir brukt innanfor kultur, musikk og litteratur og innanfor læring og kjeldebruk. Set deg inn i kva det er.

Spør ein praterobot eller nettlesar. Bruk setningane nedanfor slik dei er, eller lag eigne formuleringar.
- Kva betyr plagiering, og kva problem og dilemma er knytte til det?
- Finn tre døme på plagiat som har blitt diskutert offentleg.
Gjer eit nettsøk på norsk ("plagiering") og engelsk ("plagiarism").
- Finn du anna innhald med det engelske søket enn med det norske søket?
- Er det betre, dårlegare eller vanskelegare?
Vel ut minst to kjelder og skriv nokre avsnitt om plagiering.
- Skriv ei setning som forklarer kva plagiering er.
- Skriv ei setning som samanfattar to døme på kvifor plagiering er problematisk.
- Bruk indirekte sitat og/eller direkte sitat og skriv opp referansar i løpande tekst og i ei kjeldeliste.

Kva er plagiat? Diskuter spørsmålet og del avsnitta de har skrive.
Diskuter i gruppene:
- Kva er forskjellen på plagiat og inspirasjon?
- Kva er forskjellen på plagiat og ulovleg strøyming av innhald?
- Kvifor det er viktig for dykk som elevar å vite kva som er plagiat?
- Er generert tekst frå praterobotar plagiat?
Samanfatt og diskuter vidare i klassen.