Lokalt reiselivsprodukt

Del 1: Lokalt reiselivsprodukt

Ta utgangspunkt i eit lokalt reiselivsprodukt de kjenner til. Eventuelt kan de gå inn på internett og finne eit lokalt reiselivsprodukt. Tenk dykk at eit turistkontor ønskjer hjelp til å lage ein marknads- og aktivitetsplan for dette reiselivsproduktet, og at dei derfor ber dykk om å undersøkje og kome med forslag til følgjande:

• Korleis vil du beskrive det aktuelle produktet?
• Kva er kjernen?
• Kva periferitenester har produktet?
• Kva målgrupper passar produktet best for?
• Korleis kan vi best nå fram til desse målgruppene?
• Kva kanalar vil du bruke for å selje og distribuere dette produktet?

• Kor viktig er dette produktet for destinasjonen som heilskap?

• Noter svara dykkar i eit felles dokument.

Del 2: Lag ein marknads- og aktivitetsplan

Tilbodet skal lanserast om ca. seks månader på ei stor nasjonal reiselivsmesse, og håpet er at det skal trekkje besøkjande etter denne messa.

• Lag ein marknadsplan for produktet.

• Lag ein konkret aktivitetsplan med marknadsaktivitetar de vil bruke for å nå dei aktuelle samarbeidspartnarane og målgruppene.

Del 3: Lag ein marknadsføringskampanje for reiselivsproduktet

• Planlegg og lag utkast til ein marknadsføringskampanje for produktet, de vel sjølv i kva form.

Del 4: Rollespel – Planlegg og gjennomfør ein marknadsaktivitet

• Vel ein marknadsaktivitet frå lista dykkar som de ønskjer å gjennomføre i klassen.

• Klassen representerer både kundar og gjester.

• Marknadsaktiviteten kan til dømes vere messestand, lansering av produktet, eit informasjonsmøte eller liknande.

• Bruk eventuelt materiell de har laga til marknadsføringskampanjen.