Oppgave
Kva type forbrukar er du?
Er du prismedviten eller impulsiv? Liker du å handle på sal, eller speler ikkje prisen noka rolle? Jobb med desse oppgåvene og sjå kva forbrukartype du kjenner deg mest att i!
Det er jo sal! Bilete: NTB Scanpix' / CC BY-NC 4.0
- Les nettartikkelen Euromonitor: Her er årets globale forbrukertrender. Kva forbrukartype av dei som er skildra i artikkelen, kjenner du deg mest att i?
- Set opp ei liste over tre forbrukartypar. Set den du synest beskriv deg best, som nummer 1, og så vidare.
- Diskuter med ein klassekamerat: Er de same forbrukartype? Kva gjer dykk eventuelt ulike? Kva er likskapane og forskjellane mellom dykk?
- Diskuter i klassa: Er det store forskjellar mellom dykk som forbrukartypar?
- Det er mykje snakk om miljø, klima og berekraft i dag. Føler de at dette påverkar dykk som forbrukarar og forbrukaråtferda dykkar? Diskuter i klassa.